يلا نعيش حلم الكتب
دعوة ماما عزة لكل الشطار .. يلا نقرأ صائد الأقمار
عشان أنا بحبكم من كل قلبى .. قرأت واستمتعت وطلعت ونزلت بين السما
والأرض / وعرفت كتير من المعلومات العلمية المفيدة والضرورية عن حركة الأقمار والشمس والنجوم والزلازل
والبراكين والسحب والغيوم .. مش بس كده عرفت كمان خفايا النفس البشرية عارفين ده
كله فين / فى رواية صائد الأقمار للمبدع الحقيقي الوطنى حتى النخاع اللى كل كلمة
فى روايته تدل على هويته وحبه لوطنه وأمته ونظرته ورؤيته الإنسانية لكل البشرية
كاتبنا اسمه صلاح معاطى وسبحان العاطى عشان ربنا سبحانه وتعالى أنعم
عليه بسلاسة ورشاقة العبارة وحسن وتوصيف الحالة / وبكثير من الخيال اللى خلاه يأخذنا
فى رحلة عبقرية فيها كتير من الخيال العلمي والحبكة الدرامية والأشخاص الثرية والأحداث
المتلاحقة المتتالية / تعرفوا مين هو صائد الأقمار كأنه قرصان خفي هيخطف قمرنا
مننا وهيحول نهارنا ليل ويمكن تفنى الأرض بينا كلنا .
بس عاوزاكم تعرفوا يا حبايبى إن فى كل صراع فى الكون دائماً فى جانب
الشر وجانب الخير / يمكن الشر فى كتير من الأوقات أسلحته كثيرة وفتاكة ومؤذية ..
بس يفضل الخير رغم قلته بحسن التفكير والتدبير والنوايا الطيبة أقوى سلاح ضد كل
أسلحة الدمار الشامل فى الفضاء الكوني بكل أسلحته الغريبة العصرية .
عاوزاكم تكملوا قراءة الرواية وتعرفوا ازاى نور الصغيورة الشطورة اللى
عمرها زى عمر كتير منكم كانت ملهمه لباباها ومنحته الفكرة اللى بها قدر يحافظ على
القمر ويخلى كتير من سكان الأرض يعيشوا ويستمتعوا على سطح القمر ويشاهدوا من فوق
جمال وروعة الأرض بس قبل كل ده ما يحصل حدث كتير من الصراعات والنقاشات والمؤامرات
والخطف لبعض الشخصيات وهسيبكم تكملوا قراءة صائد الأقمار اللى أصدرتها دار النخبة
للطبع والنشر عشان أنا عارفه إن منكم أشطر الشطار وست البنات اللى ممكن فى
المستقبل يكتبولنا أجمل الروايات
عن
الخيال العلمي اللى فيه أجمل وأمتع الحكايات
بحبكم /
ماما عزة
ليست هناك تعليقات:
إرسال تعليق